महान्यायाधिवक्ता खरेलले भने– मैले राजीनामा दिएको छैन

1 week ago 37

११ फागुन, काठमाडौं । महान्यायाधिवक्ता अग्नि प्रसाद खरेलले आफूले राजीनामा नदिएको बताएका छन् ।

केही अनलाइन मिडियाहरुमा मंगलबार बिहान खरेलले राजीनामा दिएको समाचार प्रकाशित भएपछि खरेलले विज्ञप्ति जारी गर्दै आफूले राजीनामा नदिएको जानकारी दिएका हुन् ।

विज्ञप्तिमा खरेलले राजीनामा दिने सोच नबनाएको, राजीनामा दिनुपर्ने कुनै परिस्थिति पनि नरहेको र नियमित रुपमा कार्यालयमा उपस्थित भइ कामकाज गरिरहेको उल्लेख गरेका छन् ।

अनलाइनखबरसँग कुरा गर्दै उनले आफूविरुद्ध षडयन्त्र गर्नेहरुले राजीनामा दिएको गलत हल्ला फैलाएको आरोप लगाए ।

Original Story