मास्क लगाएर मोडलको क्याटवक

4 weeks ago 77

खबरहब

१ बैशाख २०७८, बुधबार

पढ्न लाग्ने समय : < 1 मिनेट



काठमाडौं– नमूना कलेज अफ फेसन टेक्नोलोजीमा चार वर्षे फेसन डिजाइनिङ सम्बन्धी स्नातक तहको ब्याचलर अफ फेसन डिजाइन एण्ड म्यानेजमेन्टको अन्तिम परिक्षाअन्तर्गत विद्यार्थीहरुले पहिरनमा मास्कको फेसन प्रदर्शन गरेका छन् ।

हरेक पहिरनसँग सुहाउँदो मास्कसहित मोडलहरु मञ्चमा प्रस्तुत हुँदा वर्तमान कोभिड–१९ को जटिल परिस्थितिलाई सुन्दर रुपले देखाइएको थियो ।

शोमा नेपालमै पहिलो पटक मोडलले लगाएको पहिरनकै हुबहु स्वरुपमा सजाइएको पुतलीसहित हरेक पहिरनका सिर्जनाकर्ता पनि स्टेजमा प्रस्तुत हुँदा कार्यक्रममा अर्को आकर्षण थपिएको थियो ।

‘अस्तित्व’ शीर्षकमा सञ्चालन भएको ग्राजुएसन फेसन शोमा कलेजकी संस्थापक प्रिन्सिपल ज्ञानी शोभा तुलाधरसहित मोडलहरु रनवेमा उपस्थिति भएसँगै शो सुरु भएको थियो ।

कार्यक्रमअन्तर्गत ७९ वटा आकर्षक, मनमोहक एवं विविधतायुक्त पहिरनहरुलाई प्रदर्शन गरिएका थिए । ती सुन्दर पहिरनहरुका परिकल्पनाकार एवं सिर्जनाकर्ताहरु पनि ७९ विद्यार्थी नै थिए । उनीहरु नमूना कलेजमा फेसन डिजाइनिङमा स्नातक गर्दै गरेका १५ औं ब्याचका विद्यार्थी डिजाइनरहरु थिए ।

कोरियोग्राफर रोजिन शाक्यको निर्देशनमा सञ्चालन गरिएको उक्त फेसन शोमा समेटिएका ७९ वटा पहिरनहरुलाई आठ वटा विभिन्न सिक्वेन्स मार्फत् प्रदर्शन गरिएका थिए । जसलाई २० जना युवती मोडलहरुले प्रस्तुत गरेका थिए ।


Original Story