वरिष्ठ नेता पौडेल पक्राउको विरोधमा दोलखामा कांग्रेसद्वारा प्रदर्शन 

1 month ago 102

दोलखा– गृह जिल्ला तनहुँमा कांग्रेसका वरिष्ठ नेता रामचन्द्र पौडेलमाथि गरिएको दुर्व्यवहार र गिरफ्तारीको विरोधमा दोलखामा कांग्रेसले प्रदर्शन गरेको छ ।

सरकारले नियोजित ढंगले वरिष्ठ नेता पौडेलमाथि गरिएको दुर्व्यवहार र धरपकडको विरोधमा दोलखा कांग्रेसले नारा जुलुससहित प्रदर्शन गरेको हो ।

सदरमुकाम चरिकोटस्थित पार्टी कार्यालयबाट सरकार‍विरुद्ध शंख जुलुस निकालिएको थियो ।

जुलुसलगत्तै सातदोबाटो चोकमा कोणसभाको आयोजना गरी कांग्रेस दोलखाले सरकारी रवैयाको विरोध गरेको थियो।

प्रदर्शनकै क्रममा कांग्रेस दोलखाका सभापति रुद्रबहादुर खड्काले लोकतन्त्रको उपहास गर्दै वर्तमान सरकारले अधिनायकवादी कदम सुरु गरेको आरोप लगाए ।

Original Story